Epitteto Eubulide

’O PARAVISO
di Pietro ZURLO e Damiano LENTISCO-
*Pietro Zurlo:
Nu juorno Santu Pietro mparaviso
siccome ca nisciuno ’eva trasì,
s’appassuliaje rete ’o purtone assiso
penzanno buono a sse ripusà.
Quanno antrasatta ’nfaccio a lu purtone
sentette cu insistenza tuppetià.
Dicette: e mo chi è proprio a chest’ora!
D’’a terra nun aspetto aneme sante;
nun se po’ sta cuieto e che malora,
mo ’o vaco a ddì ca cammenasse nnanze!
“Ntramente tuppetiavene chiù forte”…
Mo vanno pure ’e pressa chisti muorte!
E murmurianno jette a rapì ’o purtone:
Chi sìte, che vulite? - Nce dicette;
chi v’ha mannato ccà? -’Ate sbagliato,
nisciuno aspetto pe’ chesta jurnata.
Ma comme neh San Piè, guardate buono,
ì ’ncoppo ’a terra, so’ ’nu capezzone.
Ma ’a chillu munno mo’ aggio ditto addio.
Ma aggio priato, m’aggio cunfessato,
sentuto ’a messa e fatto a cummunione;
comme cumanna ’a chiesa e vole Dio,
m’hanno cantato già l’ assoluzione
e a ’o paraviso...aggia trasì pur’io.
A si!? – Ma tu ’e sorde a chi ’e llassate?
“L’aggio spartuto a tutte li pariente
c’hanna prià pe’ mme ’o Padreterno”.
Se vere ca staje carreco ’e peccate…
ma ’e puverielle niente nce lassate?
Cammina nnanze va’ scontete o’ nfièrno!
( CONTINUATA DA )
*Damiano LENTISCO:
Tu primme lasci tutte a li parienti
po vien'a ddò me mustrann'e riente
che te credive ca c'è libero accesso
peggio pe tte ca si accussì fesso.
Si tu lasciav'e sord'a nu puveriello
io t'avrei fatto tanto di cappiello.
Mo nc'è na cosa sola ca può ffà:
tuornetenn'a basce e 'nparate a campà!
*************************************
* Epitteto Eubulide:
Splendida accoppiata poetica, interessante anche per la diversa trama lessicale.
Bastano pochi chilometri di distanza e zac! cambia anche il dialetto.
La morale è limpida, al pari di quella di antichi celebri favolisti.
E ben si sposa anche ai tempi nostri, dove nulla è cambiato.
Ai ricchi ed ai potenti l'illusione del merito nell'Aldilà, aiutata dalla vergognosa cerimonia funebre affollata di notabili e di gerarchie religiose.
Ci sarebbe da imbufalirsi, ma per fortuna ci viene in soccorso il sarcasmo della satira alla Belli, sarcasmo di cui il testo in lettura è cosparso a piene mani.
Per buona sorte c è sempre un popolo angariato che sa ridere amaro.
Ma attenzione, se perde la pazienza poi lui non ragiona più ed è anche capace di scollare materialmente la testa a certi nostrani vessatori da strapazzo.
Barabba